Pu Lalbiakzama MPS, Superintendent of Police (Traffic) chuan thupek thar chhuahin Aizawl khawpui chhunga Taxi intlanchhawk dan a ti danglam. Ruahmanna thar ang chuan Taxi te hi Group panga (1,2,3,4,5) ah then a ni a; group pakhat zel hi nitin in din chhawkin a dang group pali te an tlan thin ang. Taxi intlanchhawk dan hian Inrinni, Pathianni leh Sorkar Holiday te a huam lovang.
He ruahmanna hi July 01, 2011 atanga hman tan tur a ni a, July atanga September thla chhung hian en chhin phawt a ni ang a; a tul dan a zirin thla thum hnuah tih danglam leh theih a ni ang.
