Serchhip District Level NLUP Implementing Committee chu vawiin chhun dar 11 khan Serchhip DC’s Meeting Room-ah an Chairman, District Bawrhsap Pu P. Lalchhuanga hovin an thukhawm.

Vawiin-a NLUP Implementing Committee thutkhawm-ah hian District chhunga Line Department hrang hrang 8 atangin an hmalak tawh dan te report kimchang taka ngaihthlak a ni a, report-a a lan danin NLUP tanpuina dawngtu te hi Agriculture Department hnuaiah chhungkaw 582, AH & Vety Department hnuaiah chhungkaw 619, Environment & Forest Department hnuaiah chhungkaw 47, Fisheries Department hnuaiah chhungkaw 81, Horticulture Department hnuaiah chhungkaw 851, Industries Department hnuaiah chhungkaw 426, Sericulture Department hnuaiah chhungkaw 65, Soil & Water Conservation Department hnuaiah chhungkaw 331, an vaiin chhungkaw 3002 in NLUP tanpuina an dawng a ni.
 
Vawiina NLUP Implementing Committee thutkhawmah hian Line Department Official ten Verification an neih tawh zat te, harsatna an tawh te leh tanpuina pawisa dawng tawh te zinga hma la tha leh la thalo te pawh chipchiar takin report an pe a, hmalak zel dan tur sawiho a nih bakah VC memberte chu an hnathawhna kawngah nasa leh zuala tanpui turin an sawm a, tanrual a pawimawh zia an sawi uar hle a ni.

Vawiin thutkhawmna-ah hian NLUP kalpui mek a nih dan thlirletin sawiho ngaite uluk takin an sawi hova, NLUP 2nd phase (2011 – 2012) kalpui leh dan tura rawtna te sawiho a ni bawk.

Attachment

  • Loading attachment...