Serchhip Godown a buhfai awmlo anga thuthang chungchangah Food, Civil Supplies & Consumers Affair Department chuan a dinhmun dik tak hetiang hian a tarlang.

Ni 25 July 2013 (Thursday) hian Serchhip Godown in a chawm chhung a Retailers te Quota hi kar hnih quota, ni 3 August 2013 thleng pek lawk a ni a. Ni 25 July 2013 hian Godown rawn thleng mai tur Serchhip khaw chhung, Godown atanga 1 km velah buhfai phur truck chhia pakhatin buhfai phur truck zawng zawng a dang khawm a. Hemi ni chawhnu lam pang hun rei lo te, Godown a buhfai a tlem lai hian buhfai awm lo anga lan tir duhin, mi thenkhat in thla te la in, Godown ah buhfai awm lo angin an lan tir ta mai a ni.

Serchhip Godown hi kumtluan a motor kal theihna anih avangin, buhfai awm rei avanga chhe tur te ven nan an mamawh tawk ang zel a supply a ni a. Ni 25 July 2013 ah Tanhril Godown atangin Serchhip Godown ah hian Buhfai truck trip 20 (1924.47 quintals) thawn a ni.

Ni 26 July 2013 hian truck thleng hmasa a piang te Godown ah unload nghal vek zel a ni a. Tun dinhmun ah chuan Serchhip Godown in a chawm khua te ah buhfai harsatna a awm lo.