Serchhip Sa Zuar Association ten May ni 5, 2012 (Inrinni) a Bawng sa rate kg 1 Rs. 220/- a an tihsan chu District bawrhsap Pu P.Lalchhuanga’n rate tihniam leh tura a hriattirna ngaipawimawh in rate hlui zawk Kg. 1 a Rs 200/- ah an tihniam leh.

Sa Zuar Association hruaituten nimin khan District Bawrhsap hi a pisa ah hmu in thupha an chawi a, Bawng sa rate pawh an tihhniam lehnghal tur thu an sawi nghal bawk. District Bawrhsap pawhin pawl anga hmalaknate chu mipuite phur ti rit lo zawnga kalpui thin a tul thu a lo hrilh a, Serchhip Town Area Rates & Wages Control Committee (STARWCC) hriatpuina lo chuan mahni rate hmanlai tihdanglam phal anih tawh loh thu sawiin, rate chungchanga harsatna an tawk anih chuan STARWCC hnena thlen tur leh anmahni nen uluk taka sawiho a ruahmanna siam a nih tur thu a sawi a, Bawrhsap chuan Sa Zuar Association te chu rilru puitling tak pu a mipuite harsatna siam sak lo tura an inphahhniam theih avangin lawmawm a tih thu a sawi bawk a ni.