No.1909/2020-2021
Dated Serchhip, the 11th June, 2020: Dr. Lalzirmawia Chhangte, IAS, Serchhip Bawrhsap chuan Serchhip Chanmary venga SIRD & PR Panchayat Resource Centre campus chu Regulation 11(1) of the Mizoram Epidemic DIsease (COVID19) Regulations, 2020 in thuneihna a pek angin Containment Zone ah a puanga, a building chu Containment Unit ah a puang bawk.
Tun hnaia state pawn atanga rawn haw mi pakhat, a lo thlen ni atanga SIRD & PR Panchayat Resource Centre a khung hran (isolate) nghal chu RT PCR result atangin Covid19 a positive hriat chhuah a ni a. Hei vang hian Bawrhsap chuan a chunga thuneihna a neih ang khian he building awmna leh a chhehvel , Building atanga hmar lam meters 140, chhak lam meters 75, chhim lam meter 120 leh thlang lam meter 70 huam chhung chu Containment Zone ah a puang ta a. A building pawh Containment Unit ah puangin he building, Isolation Centre atana hman meka midang awm ve, RT PCR result atanga Negative vek te chu hmun danga khunghran (quarantine) tura sawn chhuah an ni.
A area hi khar (sealed) nghal a ni a, a huam chhunga phalna nei lova luh leh chhuah reng reng khap tlat a ni. SIRD & PR Offices hi thuleh awm hma chu khar nghal a ni bawk a, lirthei eng chi mah zne chhunga chet vel phal a ni lo. Tupawh, mimal, pawl leh institution he thupek bawhchhiate chu IPC section 188 anga hrem theih an ni ang.
He Zone chhunga cheng mipuite leh officials duty zawng zawngte chu Aarogya Setu Apps download a in register nghal vek tura hriattir an ni.
