Vawiin hian Serchhip DC Conference Hall ah Bawrhsap Pi Sangchhin Chinzah, Serchhip District Disaster Management Authority Chairman (SDDMA) ni bawk hovin kan hma lawk Dt. 26.04.2018 a Serchhip khaw chhunga Multi stages Mega Mockdrill neih dan tur relin SDMA member te leh District Disaster Plan 2017 a mawhphurhna nei zawng zawngte an thukhawm.

Dt. 26.04.2018 a Multi Stages Mega MockDrill neih tur hi National Disaster Management Authority te leh State Disaster Management Authority te tangkawpin an ruahman anga neih tur niin he ni hian Mizoram ah leh Nagaland ah neih tura tih a ni a. Mizoramah pawh District tinah neih tur a tih niin chumi ruahmannna zul zui chuan vawiinah pawh a neih dan tur hi rel a ni a. Pi Vanlalduhi Ralte, District Organiser chuan Serchhip District Disaster Plan, 2017 mila chhiatna a lo thlena a bawhzui dan tur ruahmanna awmsa hrang hrangte, mawhphurtute leh an tih tur hrang hrangte sawifiahna neiin, Incidence Response System District in a neih dan chipchiar takin hrilhfiahna a nei a ni.

Serchhip District Disaster Management Plan, 2017 angin chhiatna a lo thlenin Incident Commander Office, District Emergency Operation Centre (DEOC)/ DC Office ah DDMA member te leh IRS Responsible Officer te tlan khawm nghal tur a ni a. Chhanchhuahna hna thawk tura ruat sa, Task Forces te, Rescue team hrang hrang leh mawhphurhna nei dangte chu Staging Area (District Transport Office tual) ah an hmanruate nen tirhchhuah nghal theiha tlan khawm nghal tur niin rang taka mahni mawhphurhna theuhte hlen tura Incident Commander (DC/Addl. DC) thupek ang zela thawh chhuah nghal tur a ni.

Hetianga Disaster Plan, 2017 ang thei ber tura Mockdrill hi neih tura rel niin hlawhtling taka Drill neih a nih theih nana hmanrua leh mamawh dang dangte pawh vawiin hial rel ho nghal a ni.