Vawiin hian Serchhip District NLUP Implementing Committee chu an Chairman Pi Sangchhin Chinzah, District Bawrhsap hovin a pisa-ah an thukhawm a, NLUP Kut hman dan tur an rel.

NLUP Kut hi ni 30^th – 31^st May, 2018 chhungin Serchhip Town Hall-ah neih a ni dawn a. Kut hman chhung hian NLUP Line Department hrang hrang ten NLUP atanga an thar chhuahte a duh apiang lei theih turin an chhawp chhuak anga, heng an thil chhawp chhuah turte hi a man pangngai aia za zela 20 zelin tih tlawm (Subsidy) ani dawn a ni.

Vawiina Kut hman dan tur rel anih zawh hnu hian District NLUP Implementing Committee chuan Kut neihna tur Serchhip Town Hall chu a hmunah kalin an enfiah a, ruahmanna siam ngai hrang hrangte siamin, department hrang hrangte chanvo leh hmalakna turte an siam fel nghal a ni.