Vawiin hian 3^rd & 4^th Phase NLUP hnuaia vawk vulh thlangtu New Serchhip huam chhunga mi 88, Hriangtlang khua mi 2 leh Tlungvel khuaa mi 15 te hnenah vawk chaw sem a ni.

Heng vawk chaw sem te hi Dr. H. Vanlalrawna, Veterinary Officer, Serchhip leh a thawhpuiten an buaipui a, tanpuina dawngtu pakhat hian vawk chaw bag 12 (593kg) theuh an dawng a ni.

Serchhip District chhunga khaw hrang hrangah a tah tawla sem chhunzawm zel tura ruahmanna siam niin, nimin khan Darlawng khuaa mi 26, Keitumah 2 leh Bungtlang ah mi 5 te hnenah vawk chaw hi sem a lo ni tawh bawk a ni.

NLUP 3^rd & 4^th Phase ah Serchhip Distrct huam chhungah  hian Vawk vulh (Piggerry) thlang chhungkaw 458 an awm a,  beneficiary te hnenah hian vawk in sak nan leh hmanraw tul dang lei nan pawisa fai Rs. 41,378 bakah vawk note 6 theuh pek an ni tawh bawk a ni.

Vawiina vawk chaw an dawn bakah hian tui dah khawlna tur tuizem an la dawng leh dawn anga, chu chu NLUP hnuaia tanpuina an dawn kimna tur ani tawh dawn a ni.