3435/2024-2025 

Dated Serchhip, the 9^th December, 2024: Vawiin khan Serchhip Kawnpui VC Hall-ah   '100 Days TB Campaign' chu Serchhip Additional DC Pu Lalrinzuala’n Serchhip Kawnpui VC Hall-ah a hawng. Hawnna hun hi  Dr L.P Malsawma, Sr.Chief Medical Officer Serchhip District Hospital chuan a kaihruai a. Campaign Programme hawngtu Pu Lalrinzuala chuan thusawiin, “100 Days TB Campaign Programme pawimawh tak hi hriselna lama thawktute chauh nilo District mipuite nen  tangrual a kalpui a tul a ni”, a ti. 

Additional DC chuan VC leh NGO te chu TB dona kawngah thawhho pui atan a sawm a;  he programme pu darh leh tlangaupui tam turin thalai te pawh a sawm a ni. Natna hrang hrang tam tak zingah TB natna vei leh enkawl laite tan chauh sawrkarin tanpuina a pe a, hei hian sawrkarin a ngaih pawimawhzia a tilang a ni, khuallian chuan a ti a. Serchhip District-in hma kan sawn a, kan hrisel deuh deuh theih nan TB Campaign Programme hi i ngai pawimawh ang u, Additional DC chuan a ti. 

TB vei enkawl lai ten chaw tha an lo hmuh theihna turin Niskhay Mitra ah Pu Lalrinzuala hi a inziaklut ve nghal a. Ni 100 chhungin Serchhip District chhung khaw hrang hranga TB natna vei te dapchhuah   hna thawka  zin kual tur-‘Mobile Medical Unit Vehicle’ chu a vailiam (Flag-off) bawk a ni. 

March 24, 2025-a ‘World TB Day ‘ lo thleng leh tur denchhenin 100 Days TB Campaign Programme hi sawrkar laipui atanga kalpui a a ni a. December ni 7 khan National level a hawn a ni a. He Programme hian Serchhip District bakah Mizoram District dang 3 -Aizawl, Champhai  leh Mamit District ah te  kalpui tura ruahman a ni. He 100 Days TB Campaign Programme in a tum ber chu TB vei a tam thei ang ber hmuhchhuah  leh enkawlna pek a ni a. He Campaign hian TB natna kai awlsam bik, heng - upa, Diabetis, Alcoholic, Smoker leh HIV Positive te a bitum bik a. He Programme hnuaia  hmuchhuah   TB veite enkawl na senso pawh a thlawn ( free) a ni dawn a. Kum 2025 ah chuan India ram chu TB Natna awm tawh lohna -TB Free India a lo nih theihna tura mi zawng zawng hrilh hriat te, TB Damdawi ei that pawimawhzia inhrilhriat te chu he programme thil tum zingah a tel a. Nikshay Mitra hnuaiah TB vei enkawl lai (a mamawh zualte tan) tanpuina /chaw tha an hmuh theih nan mi inphalte hnen atangin Donation kalpui a ni bawk. 

He hunah hian Serchhip District TB Officer (DTO) Dr Lallawmkimi Chhakchhuak chuan power point hmangin 100 Days TB Campaign awmzia a sawifiah a. Dr ZD Lalmuanawma, District Medical Superintendent Serchhip kaihhruaina in TB laka fihlim tura intiamna (TB Harega, Desh Jeetega) Pledge sawirualna hun hman ho a ni a. TB Champion leh Nikshay Mitra - Donor te hnenah thilpek hlan a ni bawk. 

Vawiin programme ah hian  Serchhip Joint VC aiawh te, Serchhip MHIP Sub Hrqrs aiawh te, District Rural Development Office ai awhte, Serchhip CMO & DMS Office Staff te leh Health Wellness Centre a thawktute bakah chanchinbumite an tel a ni.