3434/2024-2025

Aizawl, the 9th December 2024: Department of Mathematics, Pachhunga University College chuan Dt. 9.12.2024 atanga Dt. 13.12.2024 chhung awh tur Mathematical Olympiad Exposure Camp (sponsored by  the Homi Bhabha Centre for Science Education (HBCSE) Mumbai with support from National Board for Higher Mathematics (NBHM), Government of India) a buatsaih a. He camp hawnnaah hian  Dr. Vanlalthlana, Minister of School Education, Govt. of Mizoram chu khuallian a ni.

He Camp hawngtu, School Education Minister Dr Vanlalthlana chuan Mathematics thiam a pawimawh zia sawiin, ngaihtuahna tihriamtu a nih thu a sawi a. Engineering, Science, Commerce leh Economics lamah pawh Mathematics Zirna chhunzawm turin Mathematics thiam a ngai tel tih a sawi. School Education Minister chuan PUC hi he Camp pawimawh tak a buatsaih chu tha a tih thu sawiin Camp neih atangin Zirlai ten Mathematics ah phurna thar an neih ngei a beisei thu a sawi bawk.

Mathematical Olympiad Exposure Camp-ah hian sikul hrang hrang 16 atangin pawl 9,10 leh 11 zirlai 90 lai an tel a. He camp hi Mizo naupang ten mathematics zirnaah hma an sawn theih nan leh state dangte ruala ke an pen ve theihna atana ruahman a ni a. National level leh international level Mathematics Olympiad-ah Mizo naupang an tel tam theih nan buatsaih a ni tih  Prof LP Lalduhawma Head Department of Applied Mathematics and Statistics chuan a sawi.

Olympiad Exam Center hi Mizoramah neih ve ngei tura hmalak mek a ni.