4338/2024-2025

Dated Serchhip, the 19^th February, 2025: Vawiin khan Serchhip-a Chapchar Kut 2025 hman dan tur relin Organising Committee chu DC Pu Paul L.Khuma hovin Serchhip DC Meeting Hall-ah an thu khawm.

Serchhip District Chapchar Kut Organising Committee-ah hian sawrkar department hrang hrang hotute, Sub-Headquarters YMA, Sub-Headquarters MHIP, District Headquarters MUP leh District MJA aiawhte an tel a. Kut hmanna tura thil tul hrang hrangte sawi ho niin, a programme chipchiar duangtu tur atan Sub Headquarters YMA te chu ruat an ni. Power supply, tui in tur, medical leh sanitation te chu a changtu sawrkar Department te kutah dah a ni a. Security chu District Police te kutah dahin a puibawm tu tur atan YMA te ruat ni se tiin an rel.

Kumin Chapchar Kut hi March ni 7, 2025 (Zirtawpni) chawhma dar 11 ah tanin, Serchhip Sports Complex-ah hman ni se tiin Committee chuan a rel a. Serchhip DC Pu Paul L Khuma chu Kut Thlengtu tur nikn, Kut Pa atan Mizoram Sawrkara Minister remchang sawm ni se, tiin an rel a. A programme kaihruaitu Chairman atan Sub-Headquarters YMA President Pu Kawlthuama ruat a ni bawk.

Kumin Chapchar Kutah hian lo neitute thlai leh thei thar chhuah te, Mizo hnam incheina leh handloom product hrang hrangte phochhuah a ni dawn a. A duh apiangte tan lei theih turin stall engemawzat hawn a ni dawn a ni.

Chapchar Kutah hian mipui a tam thei ang ber tel turin Organising Committee chuan a sawm a. Mizo hnam lam chi hrang hrang thlir tur leh zaithiamte zai ngaihthlak tur a awm dawn a ni.