597/2025-2026 

Dated Serchhip, the 14^th May, 2025: District Level Monitoring and Implementing Committee on Centrally Sponsored project (DLMIC) chu vawiin khan an Chairman Pu Paul L.Khuma, Serchhip DC hoin DC Meeting Hall-ah an thukhawm. 

He meeting hian Serchhip District chhunga Multipurpose Primary Agricultural Credit Societies (MPACS) computerization-a hlan kai tlak nia an ngaih society pathum an thlang chhuak a. Heng an thlanchhuah te hi - Khawbel MPACS, East Lungdar Farming CS Ltd.  leh Chhuanthar Tlangnuam Carpentry Industrial CS Ltd. te an ni a. Tun tum hi a thawhhnihna niin a thawhkhatnaah khan society pathum bawk an lo thlang chhuak tawh a ni. 

DLMIC in a thlan chhuah MPACS te hi Chief Sercretary kaihhruai  State Level Implementation  & Monitoring Committee (SLIMC) pawm pui turin thawn leh tur a ni a. SLIMC in a pawmpui a nih chuan MPACS te hian software leh hardware an mamawh te an pek bakah training an mamawh te pek an ni bawk ang. He Scheme hi Sawrkar Laipui Ministry of Cooperation-in chak leh tunlai zawka PACS ten hna an thawh theihna tura a duan chhuah a ni a, NABARD hi Implementing Agency an ni thung. 

Vawiin meeting-ah hian District Cooperation Officer, NABARD Manager, Apex Bank Manager, MPACS aiawhte leh Serchhip District Cooperative Union aiawhte an tel a ni.