No.377/2021-2022

Dated Serchhip, the 3rd May, 2021: Vawiin chawhnu hian Serchhip District Task Force Committee on Covid19 te chu pawl pathumah insiamin Serchhip khawpui huam chhunga Executive Duty te an duty na hmunah an tlawh kual a, he hunah hian Pu Kumar Abhishek, IAS, Serchhip Bawrhsap chuan mipuite him nan leh Serchhip khawpui chu hripui laka hmun him zawka kan siam theih nan inkhuahkhirhna dan ding lai te khauh taka kenkawh tur a ni a, tumah kan inthlahdah tur a ni lo, tiin Executive Duty te a chah.

Team No 1 ten Bawrhsap kaihhruainain Chhiahtlang atanga Serchhip Kawnpui inkara Executive Duty te an tlawh a, heng duty an tlawhnaah te hian Bawrhsap chuan hripui laka mipuite venghimtu ni turin mawhphurhna pawimawh tak in chelh a, mipuite himna leh khawtlang him kan neih theih nana thawktu in ni a, in inthlahdah tuartu chu mipui zawng zawngte kan ni dawn a ni. Chuvang chuan Executive Duty te tumah an inthlahdah tur a ni lova, an duty post a thu ringawt lovin an huam chhungah an kal kualin inkhuahkhirhna dan bawhchhiate an manin an chawi tir ngei tur a ni, tiin a chah a ni. Tin, mihring leh lirthei che vel te pawh endik lova tumah kal liam tir ngawt lo turin a chah bawk a, chutihlaiin anmahni himna ngai pawimawha fimkhur reng turin a hrilh bawk. VLTF Duty te pawh khauh zawka kal tura ngenin chhuah phalna dilte dilna pawh uluk taka ngaihtuaha, a zawng a zaa phalna pe mai thin lo turin a chah a ni.

Team No. 2 te chuan an leader Pu Lalmuansanga Ralte, Addl. DC kaihhruaiin P&E Veng, Chanmari, Field Vveng leh Veng chunga Executive duty te an tlawh a, khauh zawka inkhuahkhirhna dan kalpui tura chahin kan dinhmun thatloh zia hre chunga taima taka an hnate thawh a tul zia an hrilh ve bawk a ni. Team No. 3 te pawh an Leader Pu Stephen Lalrinawma, SP kaihhruaiin Darnam, Dinthar, Chhim Veng leh Hmar Veng te an fang kual a, anni pawhin Executive duty te chu inkhauhkhirhna dan khauh taka lekkawh a tul zia an hrilh bawk.

Vawiina District Task Force team vak chhuakte hian tual laia dan phal lohva tei chhuakte an dap nghal bawk a ni.

District Task Force team ten an tlawh kual laia Duty tura ruat an duty na hmuna awm lote hi insawifiah tura koh (explanation call) an ni dawn a ni.

Mizoram sawrkarin vawiin atanga hman tan tura inkhuahkhirhna dan khauh zawk a siam te chu Serchhipah khauh taka lekkawh tum anih avangin mipuite chu mahni in lama inkhung tura hriattir kan ni a; loh theih loh va vak chhuakte pawhin himna dan te zawm ngei turin kan inhriattir nawn leh a ni.