3247/2023-2024 

Dated Serchhip, the 6^th January, 2024: Vawiin khan Pu Lalnundika, Dy. District Election Officer Serchhip District chuan ni 1.1.2024 tlawhchhana siam Draft Electoral Roll chu a tlangzarh.

Tlangzarhna hun DC Meeting Hall a neihah thusawiin Pu Lalnundika chuan ni 1.1.2024 a kum 18 tling chinte tan Roll-a inthun a theih thu leh siam that ngaite pawh siam that theih a nih thu a sawi a, mahni bialtu BLO te kaltlangin emaw online pawhin dilna hi a siam theih thu a sawi. Draft Roll tihchhuah tharah hian mipa 64 leh leh hmeichhia 103 an vaiin mi 167 thun thar an ni a, chhan hrang hrang avangin mi 57 chu an paih an nih thu a sawi bawk.

Pi Rebecca Laldinmawii Hrahsel, Election Officer pawhin thusawiin ni 1.1.2024 a kum 18 tling chinte Roll-a thun dil theih anih bakah hian January 22, 2024 thlengin siam that ngaite siam thatna hun hawn anih thu a sawi a, February ni 8, 2024 ah Final Roll tarchhuah a nih tur thu a sawi bawk. Kum tling tharte tana inthunna hun hi a tam loh avangin mipuiten an lo hriat zau theih nan a theih anga inhrilh hriatna nei turin kalkhawmte a chah bawk a ni.

Dy. District Election Officer hian Final Roll a tlangzarh zawh hian Electoral Roll hi Political Party hrang hrang aiawh lo kalkhawm te hnenah a hlan nghal a ni.

Serchhip District chhunga Voters awm zawng zawng zat hi 54,675 an ni a, 26,720 te hi mipa niin, a dang 27,955 hi hmeichhia an ni a, Service Voters hi 413 an awm a bawk a ni. Serchhip District chhunga vote tamna ber 26-Serchhip AC ah voters 20,643 awmin an zinga 9691 hi mipa an ni a, hmeichhe voters zat hi 10,952 a ni. 27-Tuikum AC-a voters awm zawng zawng zat chu 16,932 an ni a, an zinga 8387 hi mipa niin hmeichhia 8545 an awm a, 28-Hrangturzo AC-ah voters 16,687 awmin mipa voters hi 8232 an ni a, hmeichhia 8455 an awm thung. Assembly Constituency pathum ah te hian hmeichhe voters an tam zawk vek a, gender ratio hi 1062 a ni.

Serchhip District chhunga Assembly Constituency 3 ah Polling Station 88 a awm mek a; 22-Serchhip-XII Polling Station ah vote nei mi 976 awmin voter tamna ber Polling Station a ni a, 31- Vanchengte Polling Station-ah vote nei mi 95 awmin Polling Station voter  tlemna ber a ni.

Draft Roll tlangzarhnaah hian Pu Gaston Vanlalhriatpuia, ERO, Pu Lalhruailiana Zote, AERO bakah Political Party hrang hrang aiawhte, tlawmngai pawl aiawh te leh chanchinbumite an tel a ni.