2516/2023-2024

Dated Serchhip, the 27th October, 2023: General Observer Pu V.Sampath hovin tukin zing dar 9 khan Serchhip District chhunga Assembly Constituency pathum   - 26-Serchhip (ST) AC, 27-Tuikum (ST) AC leh 28-Hrangturzo (ST) AC a hman tur Electronic Voting Machine (EVM) leh Voter-Verified Paper Audit Trail (VVPAT) te chu Strong Room atanga lakchhuah niin vawiin nileng khan Serchhip DC Conference Hall leh meeting Hall ah vote thlak chhinna neih a ni. He hunah hian media leh political party tin aiawh te bakah Serchhip DEO Pu David Lalthantluanga, Hrangturzo RO Pu Lalnundika, Tuikum RO Pu HD Lalpekmawia te, ARO, EO leh official dangte an tel a ni.

Serchhip District chhunga Assembly Constituency pathumah hian belhkhawmin Polling Station 88 a awm a. Heng Polling Station a thawn tur EVM leh VVPAT te hi a siamtu company Bharat Electronics Limited (BEL) atanga Engineer pali lo kal ten a that leh that loh an endik a. Candidate symbol te bel niin Polling Day a hman theih turin buatsaih a ni.

Assembly Constituency pathum tan hian Commissioning Hall hrang theuh siam a ni a.   Party hrang hrang Candidate aiawh ten Vote thlak chhinna (mock poll) an nei a, Constituency pakhat zelah EVM pahnih theuhah vote 1000 thlak niin heng vote thlak te hi a dik ngei em tih chhiar leh vek a ni.

Vote thlak nia hman tur EVM leh VVPAT te hi hman mai theih tura endik fel niin a hmantlak ngei a ni tih finfiah hnuah Strong Room ah dahluh leh vek a ni dawn a. Mock poll leh khawl endik hna hi zanin hian peihfel hman beisei a ni.