776/2023-2024

Dated Serchhip, the 13th June, 2023: MLA General Election 2023 kumina neih tur inpuahchahna atan vawiin khan Serchhip DC Conference Hall-ah EVM leh VVPAT khawlte endikna (First Level Checking) neih a ni.

Pu Lalrinsanga Hnamte, Election Officer, Serchhip District chuan tun dinhmunah Ballot Unit (BU) 154, Control Unit (CU) 187 leh VVPAT 150 an neih mek thu a sawi a, heng khawlte hi Political Party hrang hrang aiawhte hriatpuinain a vawn thatna hmun atanga lakchhuah niin ECIL Engineer-te kaihhruainain endik an ni ang. A endik thawhkhatna (FLC) hi tun kar chhunga zawhfel hman tum a ni a, chumi hnuah heng khawlte hi an hmantlak ngei em tih finfiah nan vote thlak chin runpui (Mock Poll) neih chhunzawm leh a ni dawn a ni.

Pu James Lalnithanga, Addl. DC Serchhip chuan Supervisor niin he hun hi a hmanpuia, Web casting hmangin Election Commission of India, Aizawl Office atang pawhin an rawn vil bawk a ni. Serchhipa Political party hrang hrang aiawhte pawhin a hmunah hian an telpui a ni.