No.5778/2020-2021

Dated Serchhip, the 5th October, 2020: Vawiin hian UD&PA Department Serchhip leh District Child Protection Unit Serchhip chuan Faina hapta denchhenin an Pisa leh a chheh velte tihfai runpui hnatlang an nei a. Chhiahtlang South Village Council pawhin khawtlang huap hnatlang an nei bawk.

Pi Vanthangpuii, DUDO, UD&PA Serchhip chuan vawiin hian hnatlang a ko a a, thawktu mi 25 hnatlangin an pisa leh a chhehvelte an ti fai a ni. Pi Vani chuan tun kar chhung hian sawrkar pisa hrang hrang te leh Village Council hrang hrang ten faina hnatlang neih an tum thu a sawi a. VC hrang hrangte tan tun kar chhunga training neih tur ruahmanna siamsa a lo awm tawh avangin chawpchilh taka faina hnatlang hi VC ten an koh thu sawiin, Faina kawnga hmalakna an ngaipawimawh chu lawmawm a tih thu a sawi a ni.

District Child Protection Unit Serchhipa thawktu zawng zawng mi 17 pawh kim taka thawkchhuakin IOC Venga an pisa tihfai hnatlang an nei a ni.

Vawiin vek hian Chhiahtlang South Village Council pawhin khawtlang huap faina hnatlang an nei a, mi 100 vel hnatlang thawk chhuakin veng chhunga National Highway kawng kam te sam fai hnatlang an nei a. An thawh hmabak vengchhung hmundang pawh la thawh chhunzawm zel an tum thu Pu R. Lalremchhunga, VCP chuan a sawi a ni.

Faina hapta 2020 hman meka sawrkar pisa in elna te leh Mizoram khawpui fai inelna kal mekte leh Swachh Survekshan 2021 inelna kal meka inbuatsaih nan Serchhip khawpui nasa takin a inpuahchah mek a. Kar hmasa atang tawh khan nitin veng bil te, office bil te, institution leh restaurant ten faina hnatlang hi an remchan danin an hmang tan tawh a ni.