No.5779/2020-2021

Aizawl, the 5th October 2020: Ministry of Labour & Employment, Government of India-in Mizorama a vawi 1-na atan FREE SPECIAL COACHING - 11 Months course a buatsaih chu Dr. Lalzirmawia Chhangte, Special Secretary, LESDE-in Archives Hall, Babutlangah vawiin khan a hawng.

Chief Guest Dr. Lalzirmawia Chhangte, Special Secretary, LESDE chuan, ‘Human Resource Development hi keini State ang industry te factory te nei ve lo tan chuan a pawimawh thu sawiin heta rahbi pawimawh em em mai chu Skill Development a ni a. Thalaite thiam thil neih tir , chhawrtlak thiam thil ( emplyable skill ) neih tir hi a lo tul tak zet a ni tih a sawi. Ministry of Skill Development lo ding ta hian State sawrkar leh Private Institution te nen tang kawpin thiam thil zirna (skill training ) hi programme lian tak a kalpui ta a vawiin a kan hun hman mek ngei pawh hi chu lama India Sawrkar hmalakna kal zel chu a ni. Mizo thalaite hian hmasawnna tur kan la neih chu kan hnathawh ah professionalism hi kan neih a pawimawh a, hnam dangte ang thoin kantum chuan kan hna ah hian chhawr tlak leh rintlak kan ni thei a, kan professional thei a ni. Eng hna ah pawh state pawn atanga hnam dang lakluh ngai lovin Mizoram hi a intodelh thei a, a pawimawh chu hna thawk tura thiamna ( skill ) neih leh chumi atana zir ( skill training neih a ni )’. a ti a. He training batch a Stenography zir te pawh chhawr tlak thiamna paw chhuak ngei tur leh Government of India te, Public Sector Undertakings te, Corporate House lian tak tak te pawhin an duh tur khawp a thiam nal tura inzir turin a fuih bawk.

Special Coaching Scheme chungchang Course Director Er Remtluangi Renthleiin sawiin, he special coaching hi 100% Central funded niin, SC/ST hmasawnna tura buatsaih a ni a, Special Coaching for SC/ST hi India ramah Centre 19 state hrang hrang atangin thlan a ni. Coaching duration hi thla 11 niin, Candidate tin hian stipend ` 1000/- thla tin an Bank account-ah dah a ni ang a, Book grant thlengin Department hian a pe dawn tih a sawi. Seat capacity hi 50 a ni a, mipa 24 leh hmeichhia 26 an ni. Candidate zawng zawng hian taima taka class kala, zir a, hlawhtling ngei turin a fuih bawk. Central atang hian Scheme hrang hrang keini Tribal-te tan hian Department hrang hrangah a awm thin tih sawiin, heng hi Mizoram Sawrkar Department te hian ngaihven nasa leh zual se tih a sawi bawk.

Special Guest Er Lalmuanawma, DLEO, Aizawl District chuan National Career Service chungchang sawiin Mizo thalaiten skill kan neih a pawimawhzia sawiin, thiamna tak kan neih chuan hna hi tam tak a awm thu te, Employment Exchange -ah hian in register that zia te, tum ruhna neihte a pawimawh tih te a sawi bawk.

NCS Coaching Centre hi VTR Computer Centre, Khatla, Aizawl a ni. VTR Computer Centre hi NCS-ah leh NSDC -ah Training Provider niin, Skill Development Job role chi hrang hrang an kalpui mek a, hei bakah MSCTE, H & T Education, Govt. of Mizoram hnuaiah Affiliated Institute niin Computer Zirna hlawhtling takin an kalpui mek bawk. Kum 2017 khan Computer Centre an kalpui that avangin Central Minister Mr. Giriraj Singh-in a lo tlawh tawh bawk a ni.