No.5841/2020-2021

Dated Serchhip, the 7th October, 2020: Vawiin hian Serchhipa Village Council IV leh New Serchhip North Village Council te chuan Faina hapta denchhenin an veng chhung thenfai hnatlang pui an nei.

Serchhip Village Council IV huam chhungah hian chhungkaw 258 vel awmin he hnatlangah hian mi 170 vel an thawk chhuak a, veng chhung hmun hrang hrangte tifaiin hun an hmang an ni.

New Serchhip North Village Council pawhin khawtlang huapin hnatlang an nei bawk a, mi 200 chuang an thawk chhuak a, National Highway kam te leh vengchhunga hmun hrang hrangte an tifai a ni.

Faina hnatlang thawhna ah hian hrileng in kai lo tura theihtawpa hma lak a ni a, mi 50 aia tam lova inthendarh zelin hmun hran hranah hna thawh a ni.

Heng faina hapta puala hnatlangte bawlhhawlh paih sak tur hian District Urban Development Office chuan an lirthei an thawh thin a ni.

Faina Haptaah hian Pisa fai inelna, zirna in inelna, Hospital leh Restaurant inelna te leh veng inelna (VC Area in) buatsaih a ni a. He inelna hian kumin chhung a tluan dawn a, nakkum Republic Day ah result puanna leh lawmman semna neih tura ruahmanna siam a ni.