No.5921/2020-2021

Dated Serchhip, the 9th October, 2020: Vawiin hian Serchhip Darnam Village Council chuan Faina hapta denchhenin an veng chhung thenfai hnatlang pui an nei a. Sawrkar pisa hrang hrang ten faina hnatlang an nei bawk.

Serchhip Darnam Village Council hian khawtlang huapin hnatlang an ko a, veng chhung hmun hrang hrang te thian faiin hun an hmang a ni. District Sanitation Task Force Meeting in a lo pass tawh angin an huam chhung Sailiam Kawn chu Garbage Free Zone atana buatsaih hna an thawk tan a, Sailiam kawnah hian bawlhhlawm bawm hun ngai tawh lo tura hmalak a ni dawn a ni.

Vawiin hian sawrkar pisa hrang hrang –Judicial Department, Fisheries Department, Land Revenue & Settlement, District Agriculture Office, Department of Environment, Forests & Climate Change leh I&PR Department te chuan an pisa leh a chhehvelte tifaiin thawktute an hnatlang a, naktuk hian Cooperation Department chuan faina hnatlang neih an tum bawk a ni.

UD&PA Serchhip chuan Cleanliness Week hman mek ani tih mipuiin an lo hriat a, faina kawnga hma an lo lak theihna atana zirtirna tur thuziak chu khaw chhung hmun hrang hrangah tarin an hnatlang bawk.

Heng faina hapta puala hnatlangte bawlhhawlh paih sak tur hian District Urban Development Office chuan an lirthei an thawh thin a ni.

Faina Haptaah hian Pisa fai inelna, zirna in inelna, Hospital leh Restaurant inelna te leh veng inelna (VC Area in) buatsaih a ni a. He inelna hian kumin chhung a tluan dawn a, nakkum Republic Day ah result puanna leh lawmman semna neih tura ruahmanna siam a ni.

Attachment

  • Loading attachment...