Vawiin hian Serchhip DC Conference Hall ah District Level Committee on Green Mizoram te chuan an Chairman Pi Sangchhin Chinzah hovin Green Mizoram Day 2018, June ni 11 a lo thleng tur hman dan tur an rel.

Chairman Pi Sangchhin Chinzah chuan, Green Mizoram Day chu rahchhuah nei ngeia hmana, sawrkarin hetiang ni a siam chhan tipuitling thei ngeia hman a tul thu a sawi a. Kum kal mekah Serchhip Districtah ram kang sawi tur a awm manglo chu lawmawm a tih thu a sawi ani.

Kumin Green Mizoram Day hi Serchhip khaw chhung Tarpi Tlang ram venhim ngai bik lai tak leh District Sport Complex sak zawh mai theiha peih tawh chhehvela hman nise tiin Committee hian a rel a. A hawnna inkhawm tawi pawh Sport Complex ah neih tur niin he mi nia thingphun tur hian Department tin atanga thlan bik mi 5 theuh emaw chauh thawhchhuah nise tiin an rel. June ni 11 chawhma dar 10:00 a.m ah a hawnna inkhawm leh lawmman semna buatsaih a ni ang a. He hun hman zawh hian thing phun tura thlan chhuahte an hnatlang zui ang.

Day hmanna atana thil pawimawh hrang hrangte tihfel dan tur te pawh sawi ho niin vawiin tlai atang hian mawhphurhna neituten heng hmalakna te hi an thawk tan nghal dawn a ni.