No.1969/2021-2022
Aizawl 24th August 2021: Vawiin hian Serchhip DC Meeting Hall ah sawrkar office hrang hrang enkawltu Officer (Head of offices) te pualin Disaster Management inhrilhhriat thar lehna training buatsaih a ni.

Pu Lalmuansanga Ralte, MCS, DC Serchhip chuan training hi hawngin; Disaster Management inhrilhhriatna hi a khat tawka buatsaih thin a ni a, District Disaster Management Plan thar siam nanah te, Department tinin anmahni puala Disaster Plan an siam nante a tangkai a, chhiatna a lo thlena mahni mawhphurhna theuh kan hriat theih nan te pawh a tangkai hle thin a ni, a ti. Engtiklai pawha chhiatna tawk thei reng kan nih avangin inbuatsaihna tha tak neia awm reng hi kan tihmakmawh a ni a ti bawk.

Training ah hian Pi Vanlalduhi Ralte, District Organiser chuan Serchhip District Disaster Management Plan chungchang leh Incidence Response System kan hman mek laite zirtirna a nei a, Pi Margareth Lalramchhani, DFO, Thenzawlin Forest Fire Management zirtirna neiin Dr. Lalmakthanga, DVO, Serchhip chuan Biological Disaster Management chungchang zirtirna a nei bawk.

Training hi thawh hniha neih niin chawhma lamah Officer 29 kalin chawhnu lamah officer 30 ten an nei zui leh a ni.