No.1970/2021-2022

Aizawl 24th August 2021: Mizoram Sawrkar, Disaster Management & Rehabilitation Department Order No. B.13021/101/2020-DMR/Vol-VI dt.20.08.2021 Clause B3-in a tarlan ang leh Serchhip District Bawrhsap-in Order No 13018/2/2021-DC(SRCP) dt. 20.08.2021 hmanga Sakhaw Biak Inkhawm chungchanga thu a chhuah angin Village Level Task Force on Covid-19 leh tualchhung kohhran Committee-in a hnuaia tarlan Covid-19 Case awm lohna khuaah inkhawm dilna an rawn thehluh chu phalsak an ni.

Chungte chu:
1. Bawktlang
2. Lungchhuan
3. Sailulak
4. Piler
5. Thentlang
6. Chekawn
7. Thinglian
8. Vanchengte
9. Sialhau
10. Sialsir
11. Rullam
12. Keitum
13. Hualtu
14. N. Vanlaiphai
15. Lungpho
16. Khawbel
17. Bungtlang
18. Hmuntha

Inkhawm theihna khuaah hian heng a hnuaia tarlante hi zawm ngei tur a ni :

(a) Pathianni chhunah chauh inkhawm phal a ni.
(b) Biak In-a leng zat chanve (50% seating capacity) emaw mi 200 aia tam lo emaw tel phal a ni.
(c) COVID-19 symptoms neite chu inkhawm loh tur a ni.
(d) CAB khuah taka kenkawh leh zawm tur a ni. Kohhran tin te’n VLTF te nena thawkhoin CAB/SOP Implementation Committee an din ang.
(e) Inkhawmah hian natna benvawn nei leh kum upa, hriselna chak tawhlote a theih chin chinah kal loh nise.
(f) Inkhawmah hian zai phal a ni lo.