No.1971/2021-2022
Aizawl, 24th August, 2021 : Aizawl District Bawrhsap Dr.Lalhriatzuali Ralte IAS hovin vawiin khan Aizawl khawpui chhung leh a chhehvel hmun thenkhata thlai leh chawhmeh zuartute, kawngsira inpho te, taxi leh bus driver/handyman te bakah truck leh maxi cab khalhtu te Covid-19 hripui laka invenna turin hmaituamna mask sem runpui neih a ni a. Treasury Square, Kulikawn, Chanmari, Bawngkawn, Rangvamual Truck Terminus, Dawrpui leh Zarkawt Maxi Cab stand ah te sem a ni a. Aizawl Municipal area huam chhunga 4C ah te leh Aizawl East leh Aizawl West-a 3C ah te pawh sem a ni bawk.

Hei bakah hian Aizawl District Bawrhsap office atangin vawiinah chuan sawrkar department thenkhat- S&YS, I&PR, PWD Road South, PWD Road North, G&MR leh ICT Department te hnenah pawh covid-19 hripui dona hmanrua, N-95 masks za chuang theuh leh Pulse Oximeter 5 theuh te pek chhuah a ni a. IMA hnenah Oxygen concentrator 5, N-95 Masks 3000 leh Pulse Oximeter 50 pek a ni bawk.