2029/2024-2025 

Dated Serchhip, the 12^th September, 2024:  Vawiin khan ICAR Mizoram Centre, Kolasib; Serchhip District A. H. & Vety leh Serchhip KVK te tang kawp buatsaihin “Livelihood Improvement of Tribal Farmer’s through Backyard Poultry Farming cum Input Distribution” hun Serchhip District A. H. &Vety Conference Hall-ah an neih a ni a. He programme hi Tribal Sub Plan (TSP), Ministry of Agriculture and Farmers& Welfare, Government of India, hnuaia buatsaih a ni. 

Dr. Blessa Sailo, Senior Scientist, ICAR, Mizoram Centre, Kolasib chuan Tribal Sub Plan (TSP) hnuaia kuthnathawktute tana hmalakna hrang hrang te a sawi a. Ei leh bar a kan intodelh theihna kawnga ICAR Research Complex for NEH Region, Mizoram Centre, Kolasib hmalakna hrang hrang a sawi bawk a ni. 

Dr. H. Vanlalrawna, District Veterinary Officer (DVO), A. H. & Vety., Serchhip chuan, ICAR in training an rawn buatsaih leh kuthnathawktute tana tangkai tur ar note, ar chaw, ar chaw leh tui pekna, leh ar damdawi chi hrang hrang hmanga hma an rawn la chu lawm thu a sawi a. India ram chu artui tharchhuah kawngah khawvel ah 3-na a nih thu sawiin, hemi tihlawhtling tu te chu sawrkar leh kuthnathawktute an ni, a ti. 

Dr. Vanlalngurzauva, Senior Scientist & Head, Serchhip chuan ICAR hmalaknaa kuthnathawktute tan hun an buatsaih thei chu lawmawm a tih thu sawiin, tangkai tak leh hlawk taka kuthnathawktuten an hman ngei a beisei thu a sawi a, kuthnathawktute tana KVK hmalakna hrang hrang a sawi bawk. 

Dr. Biaklianzuali, Senior Veterinary Officer, A.H., & Vety., Serchhip chuan, hlawk taka ar chi tha chi (Rainbow Rooster) an vulh theihnan kuthnthawktute a fuih a, hrisel zawk leh hlawkzawka ar leh ran kan vulh theih nana mithiam Vety Doctor te rawn thiam a pawimawhzia a sawi bawk a ni. 

Dr. C. Lalremruata, Subject Matter Specialist (Animal Science), KVK-Serchhip hnen atangin hrisel leh hlawkzawka ar enkawl dan ngaihthlak a ni a. Ran vulh lama mithiam Dr. Lalruatfela Sailo, Animal Husbandry Manager (AHM), FOCUS leh Dr. H.Vanlalhruaii te chuan technical session an tel pui bawk a ni.   

He hunah hian North Vanlaiphai leh Serchhip atanga kuthnathawktu 50 hnenah an mamawh chi hrang hrang ar note, ar chaw, ar chaw leh tui pekna, leh ar damdawi chi hrang hrang sem chhuah a ni a. Organizing Secretary Dr. Lalhruaipuii, Senior Scientist leh Co-Nodal Officer (Tribal Sub-Plan), ICAR, Mizoram Centre, Kolasib chuan lawmthu sawiin hun hnung a khar a ni.