1371/2022-2023

Dated Serchhip, the 27th July, 2022: Vawiin khan Serchhip DC Meeting Hall ah Independence Day, 2022 hman dan tur relin Serchhip bawrhsap Pi Nazuk Kumar, IAS hovin Department hrang hrang leh tlawmngaipawl hrang hrang aiawhte, chanchinbumite, Ex-Servicemen aiawh  leh Party hrang hrang aiawhte an thukhawm.

Kumin Independence Day hi Serchhip Sports Complex ah zing dar 11:00 am a hman tura ruahman chhin a ni a, harsatna a awm a nih erawh chuan Khawtetlang playground ah sawn a ni ang. Khuallian tur hi State thuneitu sang zawk atanga ruahmanna ngaihchan a ni. Kumin Independence Day pual hian sawrkar laipui chuan India National Flag in tina zar turin ruahmanna a siama, Flag hi pakhat Rs. 20 zela khul tur niin, VC kaltlangin veng leh khuaah te semchhuah a ni ang. Kum danga an lo tih thin angin he ni pual hian Serchhipa Home, Hospital leh Jail ah te thilpek sem a ni leh ang a, Independence day pual Football Tournament leh Table Tennis Tournament pawh kalpui a ni ang. VIP’s at Home Tea Party pawh buatsaih tura ruahmanna siam a ni.

Independence Day hlawhtling taka Serchhipa lawm a nih theih nan hian mawhphurhna hrang hrang siam nghal a, urhsun leh felfai taka hman a nih theih nan mahni chanpualte tha taka hlen tum turin Chairman hian member te a ngen a ni.

Attachment

  • Loading attachment...