No.7729/2020-2021

Dated Serchhip, the 8th March, 2021: Vawiin hian DIET Conference Hall, Serchhipah International Women’s Day puala Essay inziahsiak result puan leh lawmman semna hun hman a ni.

International Women’s Day 2021 pual hian One Stop Centre Serchhip chuan DIET Serchhip zirlaite tan”Equality of Sexes and Women Empowerment in Mizo Society” tih thupui hmanga Essay inziahsiakna a buatsaih chu result puan leh lawmman sem niin lawmman pakhatna dawngtu chu K. Lalrinliani, 4th Sem. zirlai niin lawmman pawisa fai Rs. 3000, Citation leh T-shirt hlan a ni a, pahnihna chu Andrew Lalrinmuana, 4th Sem. zirlai niin lawmman pawisa fai Rs. 2000, Citation leh T-shirt hlan a ni a, pathumna Monica Lalhmingmawii, 4th Sem. zirlai hnenah pawisa fai Rs. 1000 , Citation leh T-shirt hlan a nih bakah Consolation Prize mi 10 hnenah lawmman pawisa fai Rs. 200 leh T-shirt hlan theuh an ni bawk a ni. 

He hunah hian Pi R. Lalmuankimi, Nodal Officer, One Stop Centre chuan thu sawiin, tunlai khawvelah hmeichhiaten kan theihna kawng hrang hrangin kan lanchhuahtir ve thei tawh a ni, a ti a. Tharumah Mipate tluk lo mah ila, eizawnna kawng hrang hrangah leh politics thleng pawhin kan tan kawng a inhawng ve vek tawh a, chungahte chuan hmeichhia kan nih avanga indah hniam mai lova, kan theihna lan chhuahtir tura tan la theuh turin kalkhawmte a sawm a ni. 

Pi Lalchhanhimi, Centre Administrator pawhin thusawiin, International Women’s Day hman tan anih dan a sawi a, kum 1975 khan United Nation chuan March ni 8 hi International Women’s Day atan a nemngheh thu  sawiin, he ni pual hian hmeichhiate hian dikna leh zahawmna, beiseina leh thianghlimna te kan vawn nun a tul ani, a ti a. Serchhip District-a One Stop Cetre hnathawh leh an hmalakna hrang hrangte a sawi a ni. 

He hun hi Pu T. Biakchamliana, Data Analyst, One Stop Centre chuan a kaihruai a. DIET Serchhip a thawktute leh zirlaiten he hun hi an hmanpui a ni.