No.6323/2020-2021

Dated Serchhip, the 22nd October, 2020: Vawiin chhun khan Pu Kumar Abhishek, IAS, Deputy Commissioner hovin a pisa ah COVID-19 laka mipui kan him tlan theih dan tur chungchang ngaihtuahin meeting neih a ni a, khauh leh zuala kal an rel.

Tun hnaia Serchhip khaw chhungah hri kai hmuh chhuah belh a nih zel avangin fimkhur leh chak zawka hma lak a ngai an ti a. Sawrkar thuchhuahin himna dan a lo sawi tawh angin pawna chhuak tur ten hmai tuamna hman vek tur a ni a, hmai tuam lova khawlai chhuakte chu Police te leh VLTF duty ten dan anga man zel tur niin; pawisa chawi tir zel tur an ni dawn a ni. Midang tana harsatna thlentu ni lo tura hmai tuamna hmang vek turin mitin an ngen a. Chhiatni thatni ah pawh mihring punkhawm theih zat danin a sawi chu khawng taka kalpui tur a ni. Covid-19 hri leng hi eng ang chiahin nge mipui ah a darh tih hriat nan a tul angin random test pawh la neih tur ani dawn bawk a ni.

He meetingah hian Pu Lalmuansanga Ralte, MCS, Addl. DC, Dr. Laldawngliana Sailo, CMO, Pu PC Laltanpuia, MPS, Addl. SP, Pu Kaste Romalsawma, MPS, SDPO leh Pu Vishal Sah, IAS te an tel a ni.

Attachment

  • Loading attachment...