4312/2025-2026

Dated Serchhip, the 5th February, 2026: 100 Days Intensive Awareness Campaign on Child Marriage Free Bharat & Legal Awareness cum Training on the Prohibition of Child Marriage Act, 2006 Under Bal Vivah Mukht Bharat Campaign chu vawiin khan Serchhipah bul tan a ni a. Pi Lalthlamuani Rokhum, District Programme Officer, Women & Child Development Serchhip chuan Sub Hqrs YMA Hall Serchhip ah a hawng a ni.

Hawnna thu sawiin Pi Lalthlamuani chuan India ram hmun dangah kum tlinglo inneihna a hluar hle a, Mizoram ah pawh za-a za kan fihlim tawh lo tih sawiin kum tling lova inneihna hian retheihna, fahrah leh sualna thlengin a tipunlun thei a ni, a ti. Kum tling lova inneihna hi India sawrkar chuan tihrem tumin nasa takin hma a la mek a, nu leh pa leh khawtlang hruaitute pawhin mawhphurhna kan nei tih hre thar a, a tihlawhlinpuitu ni turin kalkhawm te a sawm a. Hemi chungchang inzirtirna ni 100 chhung neih tur chu tluang taka neih a nih theih nan duhsakna a hlan a ni.

He hunah hian Pi Avilla Laltanpuii Renthlei, Chief Legal Defence Council, DLSA Serchhip District chuan danin kum tlinglo inneihna a khap dan leh hremna dante, Mizo hnam dan leh tul dangte a zirtir a. Pi R. Lalramdinmawii, DCPO Serchhip in POCSO Act chungchang kalkhawmte a zirtir bawk.

Vawiin programme Pi Caryll Lalpari, CDPO Serchhip kaihhruaiah hian Serchhip khawpui chhunga Anganwadi Worker, Serchhip Bazar Presbyterian Kohhran Hmeichhe member te, hmeichhe VC member te leh MHIP te an tel a. Pu Lalvensanga, District Coordinator Mission Shakti chuan lawmthu a sawiin hun a khar a ni.