2275/2025-2026

Dated Serchhip, the 18th November, 2025: Vawiin khan Serchhip District Management Committee chu an Chairman Pu Paul L Khuma, Serchhip DC hoin Serchhip DC Meeting Hall-ah an thukhawm.

Vawiin thutkhawmah hian kawng sira lirthei hun (park) chungchang sawiho a ni a. The Mizoram Motor Vehicle Amendment Rules 2019, Rule No. 54- in a phut angin Mizoram chhunga motor neitu zawng zawngten an motor dahna tur Garage an nei vek tur a ni a. Amaherawh chu, kan in sak danin a lo zir tawh loh avang te, mi in luah hawhten an motor dahna tur an chan ve loh avangte leh thil hrang hrang avangin motor nei si, garage nei si lo engemaw zat an awm tih hriat a ni a. Motor Parking a lo felfai zawk theih nan, Serchhip District huam chhunga VC tin ten mahni VC huam chhung theuhah, motor nei si, garage nei si lo leh luah hawh tur pawh hre lote chu Roadside Garage (Garage atana Roadside hman phalna) pek ni se, tih rawtna lut chu sawiho a ni.

Meeting chuan Garage atana Roadside hman phalna pek chungchang VC kuta dah chu tha an ti a. Amaherawhchu, District Management Committee hian dan anga thuneihna pek theihna an nei em tih chu zirchian ngai an ti a. DC Office-in hei hi an bawhzui dawn a ni.

Vawiin meeting ah hian Serchhip District Management Committee member te, khawtlang hruaitute, tlawmngai pawl te leh sawrkar mi pawimawhte an tel a ni.