Vawiin chawhma dar 11 khan District Implementation & Monitoring Committee leh Swatchh Bharat Mission, PHED buatsaihin  Serchhip khawchhunga  Eco-Club ten Mass Clean Up Rally an nei.

Mass  Clean Up Rally  kharna inkhawm, Serchhip Eduction Complex tuala neihah hian Pu Lawmawma, District Education Officer leh Member Secretary, District Implementation  & Monitoring  Committee, Serchhip chuan thusawiin, National Green Corp Programme  hnuaiah hian Serchhip District chhungah  Eco-Club 199 a awm a, Serchhip khawpui faina leh thianghlimna atan vawiin zirlaite hi an pawimawh hle a ni a ti. Eco-Club ten hma an lakna School tin ten an Compound-ah thing uar sela, kan chenna boruak  chhe zel tur venhim a tul zia inzirtir  thin a tul thu a sawi bawk.

Serchhip khawpui chhunga Zirna School hrang hranga Eco-Club member ten an School leh a chhehvel bakah vantlang kawngpui dung  leh vantlang hmun pawimawhte  thenfai hna an thawk a, Mass Clean Up Rally hi kum dangah pawh lo neih tawh thin a ni.