4469/2024-2025

Dated Serchhip, the 28^th February, 2025: Vawiin khan District Hub for Empowerment of Women (DHEW) Serchhip, Serchhip District Executive Force leh Mission Vatsalya tangkawpin an buatsaih ‘One Nation One Helpline Motorcycle Rally‘ neih a ni.

Chawhma dar 10:00 khan DC office tualah tanna hun hman niin, Pu Lalvensanga, District Mission Coordinator Serchhipin a kaihruai a, Serchhip Bawrhsap Pu Paul L.Khuma chuan Rally hi a vai liam a ni.

One Nation One Helpline Motor Cycle Rally hian a tum ber chu ram mipuite tana sawrkarin Helpline Number hrang hrang a ruahman: Emergency Helpline -112, Women Helpline -181 leh Child Helpline - 1098 te chu zau zawka mipuiten an lo hriat a, tangkai zawka an hman theihna tur atana buatsaih a ni. Motorcycle Rally hi DC office atanga chhuakin New Serchhip Traffic point an hel hnuah Serchhip AOC vengah tawpna hun siam a ni.