1852/2025-2026

Dated Serchhip, the 27^th August, 2025:  Vawiin khan Serchhip DC Pu Paul L Khuma hoin a pisaah Serchhipa National Sports Day hman dan tur rel a ni.

National Sports Day hi India Hockey thiam lar Dhyan Chand-a piancham hriatreng nan India ram pumah hman thin a ni a. Kuminah hian State bakah District tinah lawm tur niin August ni 29 atanga August ni 31 chhunga hmang turin Sawrkar Laipui chuan State tin hotute a hriattir a ni.

Serchhipah chuan August ni 30 (Inrinni)-ah Serchhip Sports Complex ah hman ni se, tiin meeting chuan a rel a. Hemi ni hian Serchhip District chhunga Sports Association hrang hrang a tam thei ang ber tel tura beisei an ni. District Sports Committee Office Bearers te leh Nodal Officer te chuan he ni hman dan tur ruahmanna chipchiar an rel a nga. Mihring hriselna atana insawizawi thatzia Fitness Talk pawh he mi ni hian neih nghal tur a ni.