2471/2026-2027 

Dated Serchhip, the 1^st October: Vawiin khan MSACS, AVBD Serchhip Branch leh Blood Centre Serchhip buatsaih-in Brilliant Higher Secondary School New Serchhipah  National Voluntary Blood Donation Day hman a ni.

Pu Lalrinnunga Tochhong, PO NSS chuan hun kaihruai in, Pu T. Biakchamliana, Secretary AVBD in National Voluntary Blood Donation chungchang leh a thlawna thisen pek pawimawhna leh tulna te a sawi a. Pu Lalhruaitluanga, Superviser, Blood Centre Serchhip-in thisen pe tute hriattur hrang hrang a sawi bakah, Pi Lalmuanchhani, Psychiatric Nurse, Mental Health chuan rilru hriselna chungchang a zirtir a. Thisen  mamawh avanga nunna chan an awm lohna tura theihtawp chhuah tur leh thisen pe zel tura intiam tharna thu tiam neih a ni bawk.

National Voluntary Blood Dination Day pual hian Blood Donation Camp neih nghal niin Brilliant Higher Secondary School NSS te hian thisen unit 14 an pe a ni.

National Voluntary Blood Donation Day hi kumtin October ni 1 hian hman thin a ni a, kumin hian  thupui atan "One Drop of humanity. Give Blood. Save Life" tih chu hman a ni a, a thlawna thisen pe thinte infuih tharna hun atan hman thin a ni.