Serchhip District chhunga Registrar of Births & Deaths te tana Annual Training chu Vawiin khan Serchhip DRO Conference Hall-ah neih a ni.
'Annual Training on Registration of Births & Deaths for Registrars Under Serchhip District for the Year 2017-2018' ah hian Thupui atan 'Ensure Timely Registration of Births & Deaths' tih chu hman a ni a. He Training hi Lalngaihmawia Zote, Chief Judicial Magistrate, Serchhip chuan hmanpuiin Registration of Births & Deaths chu India ram tan thil pawimawh tak anih avangin sawrkar pawhin a ngai pawimawh hle tih a sawi a. Khaw hrang hranga RBD ten an hna thawhte chu hote ah ngai mah se, Planning Department ah kalin hmasawnna hna thawhna atana thil ropui tak tihna atan la hman zui anih avangin kan hnathawh ho te anga kan ngaih te hi kan ram hmasawnna atana thil pawimawh ani tih kan hriat a tul thu a sawi a. Birth Certificate pek chungchangah Delayed Certificate pekchhuah chu thil diklo tamna anih thu pawh sawiin, Delayed Certificate pekchhuah a awm tawh loh nan ruahmanna siam leh ni thei se, chumi hnuah chuan Delayed Certificate pekchhuah a awm tawhloh nan RBD ten anmahni bial theuh ah nau piang ten a hun taka Registration an tih theih nan vil zui thei se a tha a tih thu a sawi a. Kohhran Secretary te zingah Delayed Certificate dilna recommend an ziah sak, an pianni hrechiang si lo an awm thin thu pawh sawiin, hei vang hian Kohhran Secretary te ziah sak hi pawm loh mai an duh tawh thu a sawi bawk.
He training ah hian chawhnu lamah Technical Session hman niin Economic and Statistics Department atangin C. Lalthanmawii, Research Officer, Lalfakawmi, Inspector of Statistic leh Vanlalrovi, Sub-Inspector of Statistic ten zirtirna an pe a ni.
He training hi Lalthangmawia, Inspector of Statisic chuan kaihruaiin District Research Officer, C. Laithanruala leh Aizawl atanga rawn kal C. Lalthanmawii, Research Officer, Economics and Statistics Department te pawhin thu an sawi bawk.
Serchhip District ah hian Registration of Births and Death hi 45 awmin heng zinga 38 hi Local RBD an ni a, 7 te hi Medical Institution ami an ni bawk ani.
