2844/2025-2026

Dated Serchhip, the 9th January, 2025: Vawiin khan Serchhip DC Pu Paul L. Khuma hovin Republic Day 2026 hman dan tur ngaihtuahin Serchhip DC Pisapui Hall-ah an thukhawm.

Republic Day lawmna Serchhip Sports Complex-a hman tur hi chawhma dar 10:00-ah neih a ni dawn a, Serchhip DC chu khuallian a ni ang. Parade Contingent zinga tel tur school te chu DEO atanga ruahmanna siam a ni anga, 42 Assam Rifles Pipe Band, LFCS Band Party te tel thei tura beisei an ni a, January 22 atanga January 24, 2026, ni thum chhung Rehearsal an nei dawn a ni. Republic Day denchhen hian Home hrang hrang bakah Hospital leh District Jail ah te tanpuina pek a ni dawn a. Hemi ni hian Sawrkar Building zawng zawngah hnam puanzar (national flag) zar vek a ni dawn bawk a. Sawrkar Department hrang hrang hotute leh thawktute tel vek tura tih a ni bawk.

DC chuan Republic Day lawman hlawhtling taka hman a nih theih nan mawhphurhna nei zawng zawngten ngaipawimawh theuh turin a ngen a ni.

Meeting-ah hian Serchhip District chhunga Department hrang hrang hotute bakah Assam Rifles, BSF, khawtlang hruaitute leh tlawmngai pawl aiawh te an tel a ni.