2843/2025-2026
Kolasib: Dated the 8th January, 2026: African Swine Fever (ASF) leng mek chu Kolasib District-ah zia awm lam a pan ni a
hriat a ni a. Amaherawhchu he hri hlauhawm tak hi District thenawm leh hmun dangah a la len avangin vawk vulhtute leh mipuite kan him tlan zel theih nan a hnuaia mi ang hian Pu Robert C. Lalhmangaiha, District Magistrate, Kolasib District,
Kolasib chuan Section 163 of BNSS, 2023 in thuneihna a pek angin hetiang hian thupek a chhuah:
1. Ram dang leh State pawn atangin vawk leh vawksa, frozen pork, vawksa rep leh vawksa atanga siam reng reng Kolasib District chhungah lakluh khap tlat a ni.
2. Mizoram chhunga District dang atangin vawk, vawksa, frozen pork, vawksa rep leh vawksa atanga siam reng reng Kolasib District chhungah lakluh khap tlat a ni.
3. ASF hrilenna (infected area) puanna khua atangin vawk, vawksa, Frozen pork, Vawksa rep leh Vawksa atanga siam reng reng lakchhuah khap tlat a ni.
4. Vawk damlo reng reng talh leh hralh khap tlat a ni a.Vawk thi reng reng paih mai mai lovin, thuk takah chinai nena phum bo thin tur a ni.
5. Vawk dam lo leh thi an awmin A.H & Vety Official te hnenah hriattir vat tur a ni.
6. Hri lenna (ASF infected area) atanga hri darh zel loh nan Vawk suat duh ten A.H & Vety Deptt.ah dilna thehluh tur a ni.
He thupek hian chhuah anih atanga ni 60 chhung a huam anga, dan bawhchhia an awm chuan Section 223 BNS,2023 hmangin hrem an ni ang.
He thupek hi vawiin ni 8 January, 2026 hian Court Seal nen nemnghetin hming a ziak hnan a ni.
