7/2025-2026 

Dated Serchhip, the 1^st April, 2025: Vawiin khan Pisapui Hall-ah DAMC, Serchhip buatsaihin Serchhip District chhunga Secondary Collection Centre enkawltute tan training buatsaih a ni a. Serchhip DC Pu Paul L Khuma chuan training programme hi a hawng a ni.

Serchhip District chhungah Secondary Collection Centre pasarih a awm a. Heng SCC tinah hian a enkawltu tur Manager leh Coordinator te ruat vek an ni a. Sawrkarin sawhthing hralh chungchangah a thawhhnihna a kalpui tan tawh dawn avangin training hi buatsaih a ni.

Sawhthing hralh thawhhnihnaah hian SCC tin te hi mahni kea ding thei tura beisei an ni tawh dawn a. Chuvangin, vawiin hian SCC enkawltu leh buaipuitute mawhphurhna leh tih tur a kimchang thei ang ber a zirtir an ni.

Vawiin training programme ah hian MAMB Co-opted Member 2 - Pu Lalnunpuia leh Pu Isak Lalremruata te chuan kalkhawmte an zirtir a ni.