6/2025-2026 

Khawzawl, dated 1st April 2025: Vawiin chawhma dar 10 khan DC Meeting Hall-ah naupang tana sap tawng inzirtirna tur Basic English Training Programme hman theih dan tur sawi ho a ni a, Khawzawl DC Pu K. Vanlalthiana kaihhruaina hnuaia neih a ni.

He programme hi English Language Fluency (ELF) tihin Disha Foundation, Chennai nena tang kawpin Aizawla sawrkar sikulah tha taka lo kalpui tawh a ni a, Khawzawlah sawrkar primary leh middle sikula hman dan tur sawi ho a ni. DC Pu K. Vanlalthiana chuan zirlaite tana hmalakna tha tak a nih ngei a rin thu a sawi a, a hlawhtlin ngei nan theihtawp chhuah turin meeting a tel te a fuih bawk a ni.

He thutkhawmah hian Addl. DC Pu Lalfakzuala, SDO (Sadar) Pu Suvigya S. Chandra, IAS, Election Officer Pu Timothy R. Lalhmangaiha, SDC Pu Paul Rokima leh SDEO Kawlliana Kawlni an tel a ni.