Serchhip-a Horticulture Department chuan Vawiin khan an Department hnuaia NLUP 1st Phase-a Serthlum chin thlangtute hnenah a thawh li-na atan tanpuina sum an sem.

Heng sum te hi DHO Office atanga pekchhuah an ni a, tun tuma tanpuina sum hi Serthlum phunna tur a ni a, NLUP hnuaia Serthlum chin thlangtute chu Serthlum kung 400 tal phun theuh tura hriattir niin vawiin an sum dawn hi hemi atana hman tur hi a ni a, kumin a kung 400 phun hmanlo te pawh nakum-a Serthlum phun hunah phun theuh tura hriattir nghal an ni bawk a, he an sum dawn atanga Serthlum phunna atana sum hmang bang te pawh Serthlum hmun samfaina leh a hmun enkawlna atana hman tur a ni bawk ang.

Vawiin a NLUP tanpuina dawngtute hi Serchhip Constituency chhunga chhungkaw 61 an ni a, heng mite hi Rs. 25,000/- theuh pek an niin hemi hmalam hian Rs. 70,000/- pek an lo ni tawh a, hemi nen hian Rs. 95,000/- pek tawh an niin a bak an la dawn tur Rs. 5000/- pawh a rang lama pekchhuah leh tur an nih thu an sawi bawk. Vawiin a tanpuina dawngtute hi Serchhip-I ah chhungkaw 14, Serchhip-II ah chhungkaw 14, Serchhip-III ah chhungkaw 18, Serchhip-IV ah chhungkaw 7, Serchhip-V ah chhungkaw 6 leh new Serchhip leh Neihloh-ah chhungkaw 1 ve ve an ni.