1859/2026-2027.

Dated Serchhip, the 19^th August 2026: Plastic Waste Management Rules, 2026 in Hman khat daih plastic, Singles Use Plastic (SUP) hman a khapna bawhzuiin tunlai hian Serchhip District chhunga sumdawnna hmun hrang hrangah SUP zawrhchhuah a awm leh awm loh enfiah hna kalpui mek a ni. 

Serchhip District-ah hian Plastic Waste Management Rules, 2016 behchhanin Single Use Plastic hman khapna bawhzui tur-in Inspection Team paruk (6) din a ni a, heng Team hrang hrangte hian tunlai hian an huamchhung theuha sumdawnna hmun leh dawr liante tlawh kualin, Hman khat daih Plastic (Singles Use Plastic) hmang leh zuarchhuak an awm leh awm lohte an enfiah a, August 18, 2026 khan District Urban Development Officer (DUDO) Pu Gaston Vanlalhriatpuia kaihhruai Team te chu Chhiahtlang-ah fehchhuakin August 19, 2026 khan Addl. DC Pi Dorothy Muansangi kaihhruai ten Serchhip Bazar leh a chhehvel te an fang bawk a; SDO (Sadar) Pi Rebecca Laldinmawii Hrahsel kaihhruai ten New Serchhip huamchhunga dawrte an tlawh bawk.

Endik hna thawh pah hian mipuite leh dawr neitute chu SUP that lohnate leh bawlhhlawh sawngbawl dan turte zirtirna neihpui nghal an ni