1860/2026-2027

Lawngtlai, 19th August 2026: Vawiin khan Lawngtlai Bawrhsap leh Chairman, District Sports Commitee nibawk Pu Donny Lalruatsanga chuan Mizoram Rifle Association buatsaih '17th Mizoram State Shooting Championship 2026' a Lawngtlai District- aiawha 'Medal' la te a Office Chamber-ah lawmpuina nei.

Pu Donny Lalruatsanga chuan 17th Mizoram State Shooting Championship 2026 'Medal' late thinlung taka a lawmpui thu a sawi a. Infiamna hrang hrang hmasawnna turin Lawngtlai Distrtic Sports Commitee chuan theihtawp a chhuah reng thin a, hmalam hunah pawh chak takin hna  a thawk zel dawn a ni, a ti. Shooting bikah State Level leh National Level bakah Olympic thlenga  Medal lak theihna tha tak a ni tiin, theihtawp chhuah zel turin a fuih a. Bawrhsap chuan shooter thar te 'talent' hmuh chhuah leh 'training' pek kawnga theihtawp chhuah turin District Rifle Association hruaitute a chah nghal bawk.

Pu Elvis Lalthangzuala, Sr. Vice Chairman, chuan shooter - te hlawhtlinna fakawm a tih thu sawiin, hma lam hunah pawh tha taka training nei zel turin a chah a. Mahni inthununna tha nei a, hlawhtlinna sang zawk chang zel turin duhsakna a hlan a ni.

Lawngtlai District Riflle Association hruaituten report tawi pekna an nei a. 17th Mizoram State Shooting Championship 2026 - a Lawngtlai District aiawha 'Medal'  la te chu :

1. A. Lalrinsangi (ISSF) Air Rifle  - Bronze Medal 

2. C. Hmingthanpuia (ISSF) Air Pistol - Silver Medal 

3. Rosalyn B. Vanlalhruaitluangi,  Sub - Youth - Silver Medal 

4. T. Lalrinfela,  Sub Youth - Silver Medal