2766/2022-2023
Dated Serchhip, the 23rd November, 2022: District Skill Committee Serchhip District ten IBM nena tangkawpa an buatsaih Skill Building Programme chu vawiin khan Pi Nazuk Kumar, District Bawrhsap chuan Marian High School Serchhipah a hawng.

Bawrhsap chuan, tunlai khawvelah IT thiamna a sang tawh em em a, a hmang tangkai thiam tan chuan mahni awm hmun atang pawhin thiam bik nei thei tura inzir nante pawh a hman theih a ni. Chumi rahbi atan chuan vawiin an hun hman hi a pawimawh hle a, an thil zir turte chu tha taka zir turin leh tangkai pui ngei turin duhsakna a hlan a ni.

He hunah hian Resource Person Pu Subha, IBM Build chuan zirlai naupangte Skill Building chungchang zirtirna a pek bakah IT khawvela thiamna an neih theihna turin mobile phone hman tangkai dante a taka entirin zirtirna a pe a ni.

He hun hi hi Vikash Walke, Minstry of Skill Development chuan a kaihruai a, District Skill Committee hian thalaite tichaka, thiamna tak tak an neih theih nana pui turin thawhpui tha tak tak kan nei a, chung zinga pakhat chu vawiina kan kalpui meka IBM CSR hmanga IBM Skill Build hi a ni. A thawh khatna atan school pali an thlang chhuak a, zirlai naupang 500 velin an chhawr tangkai dawn a ni. Zirlai naupangten online free course za chuang heng Coding, Artificial Inteligence, Gaming, leh thil dang tam tak Mobile Phone hmangin an kal thei dawn a ni. An zir zawh hnuah khawvela Software siamtu company lian ber IBM ten Certificate an pe ang a, hna an hmuh theihna kawngah chu chuan nasa takin a pui dawn a ni, a ti.

He training hi vawiin Marian High School leh Brilliant Higher Secondary School, Serchhip ah neih a ni a, Naktukah Eklavya Model Residential School leh Marian High School ah neih leh tur niin, a tuk lehah Jawahar Navodaya Vidyalaya, Thenzawl ah neih chhunzawm leh a ni ang.