No.7357/2020-2021

Tukin zing khan District Election Office, Serchhip buatsaihin SVEEP (Systematic Voters’ Education and Electoral Participation) Marathon Race neih a ni.

He hun hawnna ah hian Pu Kumar Akhishek, IAS, District Election Officer chuan, Electoral Roll-a hming chuang tawh phawt chuan vote thlak hi kan tih tur leh kan mawhphurhna a ni tih kan hriat thar a tul a, kumina vote nei thar te pawhin chu chu vawng reng tura chahin vote thlak hunah vote thlak ngei turin a fuih a ni. Tin, vote nei tawhte leh la nei thar leh zel tur thalai rualte pawh vote thlak hi mipui sawrkar dinna tura lungphum pawimawh khua leh tuite tih ngei tur thil a ni tih vawng tlat turin a ngen a ni. 

Tukin SVEEP Marathon ah hian Hmeichhia 13 leh mipa 38 an tel a. Over-all ah Dennis Lalhruaitluanga, Ramthlun Veng chu Pakhatna a ni a, medal leh pawisa fai Rs. 4000 a dawng a. Pahnihna Lalchhanhima, Chanmari Veng chuan Medal leh pawisa fai Rs. 3000 dawngin pathumna Lalrinchhana, Khawtetlang chuan medal leh Rs. 2000 a dawng a ni. Special Prize hmeichhe tan bik siam niin Pakhatna Lalrempuii, Ramthlun veng chuan lawmman ah Rs. 2000 a dawng a, pahnihna Abigail Lalthazuali, Darnam chuan chuan Rs. 1500 dawngin Pathumna C. Lalngaihawmi, College Veng chuan Rs. 1000 a dawng a ni. Lawmman te hi Pu Kumar Akhishek, District Election Officer leh Pu Sathiyasundaram, SP Serchhip ten an hlan a ni.

Attachment

  • Loading attachment...