No.7358/2020-2021

Bonsai Association Lunglei leh Dist. Horticulture Office Lunglei buatsaih Bonsai Exhibition cum Training vawiin khan Dist Horticulture Office Conference Hall Lunglei ah neih a ni.

Exhibition hawnna inkhawm hi Pu P.C.Lalhmunsiama, President, Bonsai Association Lunglei in a kaihruaia, Exhibition hawngtu leh khuallian ni bawk Pu L. Lalhmingmawia Pachuau Distrit Horticulture Officer Lunglei chuan thu sawiin, Bonsai thiam tur leh hlawhtling tur chuan taihmakna bakah inzir peih a ngai a chu chu Bonsai lama tui mi te pawhin kan hriat a pawimawh a ni a ti. Bonsai hi kum za tam tak kalta atang khan khawvel hmun hrang hrang ah an lo uar tawh a, Mizoramah ngei pawh kum 40 dawn kan lo hmelhriat ve tawh a ni Pu Mahminga chuan tiin, Bonsai hian nun a ti hlimin a ti zangkhai a chu chuan taksa lama harsatna neite pawh nasa takin a tanpui thin a chuvangin a hmuhnawm mai piah lamah a hlu a kan intihhmuh a kan uar zel theih nan tuna a tui mi te hian theihtawp chhuaha beidawng mailo a dawhtheihna leh tumruhna nen hma kan lak zel a tul hle a ni a ti. 

He hunah hian Pu Tlangtimawia Zote District Agriculture Officer Lunglei pawhin thu sawiin, Lunglei a Bonsai hlutna leh thatna mi tam zawk ten an hriat theihna tur leh thalai ten eizawnna tlak a ni tih an hriat theihna tura Exhibition leh training buatsaih a ni chu lawmawm a tih thu a sawiin, Pu H.Lalthansanga President Lunglei District MJA leh Pu Lalsiamkunga Feliz Bonsai Aizawl te pawhin thusawina hun a hmang bawk. 

Vawiina Bonsai Exhibition Cum Training ah hian mi 11 telin Bonsai 76 pho chhuah a ni a, a ti tha mi pathum ten lawmman an dawn bakah Exhibition a tel zawng zawngte hnenah lawmman pek an ni. A titha mipathum lawmman latu te chu Pakhatna- Pi Saihmingthangi Sailo Bazar Veng, Pahnihna- Pu Lalengmawia Chanmari, Pathumna- Pu Z.D. Lalfakzuala Serkawn te an ni.