Vawiin hian Serchhip DC Pisaah District Level Committee for Clelbration of Teachers Day te chu an Chairman Pi Sangchhin Chinzah, bawrhsap hovin an thukhawm a, Teachers’ Day, 2019 hmandan tur an rel.

He hunah hian Member Secretary Pu Lawmawma,DEO chuan kum hmasa lama Serchhip District a he ni an lo hmantawh dan report a pe hmasa a; chumi hnuah kumina hman dan tur hi an sawizui a ni.

Committee hian Teachers’ Day chu school hranghrang ten an mahni remchan dan in hlim taka hman dan lo rel se, Sub- Division Education lamin an area theuh va hman dan tur lo ngaihtuah bawk se tiin a rel a.  Banner hi Serchhip khawpui huam chhungah pali tar ni se, a ngaihtuah turin DEO, SSA, SDEO(Serchhip) leh RMSA te ruat an ni. Teachers Day pual thuchah hi District Chairman in nei leh se, Cable TV ah I&PR Department te nena tang hovin tih chhuah  nise, school ah te chhiar chhuah nibawk se, an tibawk.

National Foundation for Teachers Welfare(NFTW) hi nikum chhungin Serchhip District chhunga zirtirtu zawng zawng ten kim takin an thawha,  vanneihthlak takin he tanpuina dil ngai khawpa harsat na nei an awm lo bawk niin Pu Lawmawm, DEO chuan a tarlanga. Kuminah pawh NFTW hi zirtirtu zawng zawng ten kim takin lo thawh khawm leh ngei se tiin Committee chuan a rel a ni.