1944/2026-2027 

Dated Serchhip, the 25^th August 2026: Vawiin khan Serchhip ah District Bawrhsap Pu Paul L Khuma hovin Teachers’ Day 2026 lawm dan tur relin a ni.

Vawiin thukhawmah hian nikum lama Zirtirtute Ni hman dante thlirletna hun hman a ni a, Zirtirtute Ni, September ni 5 chu Inrinni a nih avang leh September ni 4 (Zirtawpni) chu chawlh a nih avangin September ni 3 (Ningani)-ah school tinah mahni remchan dan anga lawm ni se tia rel a ni a, Zirtirtute Ni lawmna niah hian Zirtirtute Ni puala thuchah “Teachers’ Day message” chu school tinah chhiar chhuah a ni dawn a ni. 

State Working Committee on Observance on Teachers’ Day in a lo rel tawh angin zirtirtu vanduaina leh damlohna emaw avanga tanpui ngaite puala pawisa khawn thin National Foundation for Teachers' Welfare Fund chu DEO Serchhip, SDEO Serchhip leh N. Vanlaiphaite an bialah theuh khawn leh ni se tia rel a ni. NFTW hmang hian Serchhip District-a zirtirtu dam lo thahnem tak kanna pek an lo ni tawh a ni.

District Bawrhsap chuan lawmthu sawiin hun a khar a ni.