1460/2022-2023

Dated Serchhip, the 4th August, 2022: Vawiin khan Mizoram State Rural Livelihood Mission (MzSRLM), Serchhip district hnuaia Self Help Group memberte tan P&E Veng YMA Hall ah Vawk Insurance Training programme buatsaih a ni a, National Insurance Company mithiamten zirtirn an pe.

Training hi Pu Malsawmtluanga, MCS, PD, in hawnna a nei a, Dr. Lalmuanpuia Samte, VO, in AH & Vety Department aiawhin thusawina a nei a, chumi hnuah National Insurance Company aiawhten Vawk insurance tihdan zirtirna an pe zui a ni.  MzSRLM hian AH & VETY Department te nena mangkawpin vawk Insurance hi a kalpui dawn a, National Insurance Company te nena thawh dunna tur a ni. 

Vawk Insurance tihdan tur hi vawk hlut zawng chhutchhuah sa mila kalpui tur a ni a, vawk hlutna za zela panga (5% of pig market value) leh GST belhkhawm te kha an policy leina man tur a ni. Vawk hlutna (Sum Insured) kha Rs. 50,000 a nih chuan insurance a tihna tur zat chu Rs. 3,540 a ni a, Vawk hlutna kha Rs. 25,000 a nih chuan Insurance a leina man zat tur chu Rs. 1,770 a ni. Accident vang emaw natna vang emawa Insurance hi dil (claim) theih a ni a,  an policy lei nun ni atanga chhiara ni 30 chhunga thi anih erawh chuan Insurance hi hmuh theih a ni rihlo thung. Insurance an hmuh theih zat chu an vawk thi bazar rate-a a hlutna za zela sawmriat (80%) a a ni. 

Vawiin training-ah hian Serchhip District chhunga khaw tin aiawh SHG member mi 41 an tel a ni.