No.3095/2020-2020

Dated Serchhip, the 15th July, 2020: Vawiin chawhma dar 10:30 khan Pu Kumar Abhishek, IAS, District Election Officer hovin DC Meeting Room Serchhipah Summary Revision of Village Councils Electoral Roll, 2020 neih mek chungchangah meeting neih ani.

Pu Kumar Abhishek chuan VC Electoral Roll, 2020 ennawn mek chu COVID 19 avangin an hmalakna te engemaw chen kaihhlak mahse tun dinhmunah Roll ennawn leh siam hna te pawh kalpui theih a lo ni leh ta chu lawmawm a tih thu a sawi a, khawtlang hruaitute leh Political Party hruaitute nena hemi chungchang hi sawi ho a, harsatna an tawhte pawh a tul anga sawi ho tura meeting hi koh anih thu sawiin, Electoral Roll dik leh felfai tak siam anih thei nana theihtawp chhuahpui tur leh thawhpui turin a sawm thar nghal bawk a ni.

Pu Vanlalhmachhuana, Election Officer chuan hmalakna an neih tawh tlangpuite sawiin, ni 13.3.2020 khan Draft Electoral Roll hi tihchhuah a ni tawh a. Roll-a in dah luh dilna hun pawh khar tawh niin, siam that ngaite chu ERO leh AERO ten siam tha in ni 29.7.2020 hian Final Electoral Roll tihchhuah anih tur thu a sawi a ni.

Vawiina meetingah hian district chhunga ERO leh AERO te bakah tlawmngai pawl hrang hrang aiawh, Political Party aiawhte leh chanchinbu mi aiawhte an tel a. VC Electoral Roll siam mek chungchanga zawhna leh chhanna hun hman a ni bawk a ni.