No.3096/2020-2020

Mamit 15th July, 2020 : Vawiin khan DC Conference Hall, Mamit-ah Dr Lalrozama, IAS District Election Officer/District Bawrhsap hovin Village Council General Election chungchangah meeting neih a ni.

District Election Officer chuan kan hmaa VC Election kan neih turah inthlanna felfai leh thianghlim kan neih theihnana inbuatsaihna hrang hrangte felfai taka kalpui a nih thu a sawi a. Kan tunlai boruak covid-19 hrileng mek avangin VC term kal mek chu State .Election Commission chuan ni 7.09.2020 thlenga pawhsei anih thu a sawi. VC Election chu a ni tak Sawrkarin la puang lo mahse inthlang thut thei kan nih avangin Officials te pawh in ring renga awm turin a chah bawk.

Meeting-ah hian Village Council, General Election 2020 atana Electoral Rolls buatsaih meka routine siam te en ho a ni a. VC Election atan hian Draft Publication of Electoral Rolls leh Submission of Claims & Objections te zawh tawh a ni a. Disposal of Claims & Objection hi ni 15.07.2020 - 21.07.2020 a ni anga. Printing of Electoral Rolls hi 22.07.2020 - 28.07.2020 a ni ang. Final Publication of Electoral Rolls atan hian State Election Commission thu angin 29.07.2020 ah tlangzarh a ni ang a. Form dawn hrang hrangte endikna hunah hian sawrkarin dan a siamte zawm ngei tura ngen kan ni a. Hearing neihna hmunah hian hmai tuamlo chu in lan phal a ni dawn lova, tum khatah mi 50 aia tam punkhawm phal a ni lo bawk.

Vawiin meetinga tarlan dan hian Mamit District chhungah VC - 90 awm mekin, Sub Village hi 11 an awm mek a. Village Council Draft Roll 13.3.2020 tarchhuaha alan danin District chhunga vote nei hi mipa 33268 leh Hmeichhia 32176 an vaiin mi 65444 an ni a. In 20488 a awm mek bawk. Kum 2015 VC Election atanga vote nei punna hi mi 14285 an ni a. VC Electoral Rolls qualifying date atan hian Ni 1st January, 2020 chu hman a ni.

Meeting-ah hian Elections Officials bakah Political Party atangin MNF, INC leh BJP te an tel a ni.